Mjeku ligjor ka zbuluar shkakun e vdekjes së 48 vjeçarit shqiptar, i cili ndërroi jetë dy ditë më parë në lagjen “Athanasios”, të Selanikut.

Burri vdiq pas përleshjes fizike me të birin 20 vjeçar, i cili është arrestuar nga policia.

Mjeku ligjor thotë se nuk janë vetëm frakturat e shkaktuara nga i biri shkak i vdekjes së tij, por 48 vjeçarit i ka pushuar zemra.

Autopsia e kryer nga mjeku ligjor zbulon se plagët nuk ishin të tilla sa për të justifikuar vdekjen e shqiptarit.

Përfundimi i ekzaminimit mjeko-ligjor do të përcillet para gjykatësit hetues, ndërsa i biri i viktimës pritet të dalë përpara gjykatës të mërkurën.

Ai ka rrëfyer se ishte takuar me babain në parkun e lojërave pas një sherri të mëparshëm midis tyre, duke filluar edhe sherrin fizik.

Në duart e djalit janë gjetur gërvishtje, ndërsa viktima ka pësuar lëndime traumatike dhe thyerje.

Duket se pas krimit fshihet një drama familjare. Sipas dëshmisë së 20 vjeçari, babai i tij ishte i dhunshëm dhe e kishte rrahur shumë më përpara, ndërsa vuante nga alkoolizimi.

Ai ka deklaruar se ka qenë i detyruar të punojë për të mbajtur nënën dhe motrën e tij më të vogël. Burri ushtronte dhunë edhe familjarëve të tij, për të cilën kishin dijeni edhe fqinjët.

Madje, ai ka kërcënuar me thikë djalin dhe bashkëshorten e tij. Mediat greke shkruajnë se 20 vjeçari shqiptar ishte një djalë i rregullt në lagje dhe punonte për të mbajtur familjen e tij.

Siç është raportuar në STAR lagjen gazetën Agios Athanasios flet me fjalët më të mira për atëvrasës, një fëmijë si ata thonë pune nga shumë të vogla për të mbajtur nënën dhe motrën e tij. Sipas dëshmive, ishte një sekret i zakonshëm që viktima u bë e dhunshme me familjen e tij.