Senatori amerikan John McCain, i cili ndërroi jetë të shtunën, në testament ka kërkuar që në ceremoninë mortore të flasin ish presidentët e SHBA-së Barack Obama dhe George W. Bush, transmeton Anadolu Agency (AA).

Mediat amerikane theksojnë se McCain në testament ka theksuar se nuk dëshiron praninë e presidentit të tanishëm të SHBA-së Donald Trump.

Në kohën kur McCain ishte gjallë, kritikonte ashpër Trumpin dhe nuk kishte marrëdhënie të mira me të.

McCain ishte një nga kritikët më të zëshëm të politikave të Trumpit brenda qarqeve republikane, ndërsa Trump me rastin e vdekjes së tij u mjaftua me një mesazh ngushëllues që ia dërgoi familjes McCain përmes Twitterit.

Zyra e senatorit të ndjerë McCain ka njoftuar se varrimi i tij do të mbahet më 2 shtator në varrezat e Akademisë Detare në Mayland.

Artikulli paraprakTËRMETI I VETINGUT/ HAKMERREN GJYQTARËT, ASNJË APLIKIM PËR ORGANET E REJA
Artikulli tjetërTË MOS USHQEHESH PËR TË KURSYER, SHQIPTARËT ME PËRQINDJEN MË TË LARTË NË EUROPË