Policia e Shkodrës në bashkëpunim me skuadrën speciale të emergjencave në repartin e Forcave të Ndërhyrjes së Shpejtë Shkodër ,

pas marrjes së njoftimit se dy peshkatarë kishin mbetur të izoluar në një urë druri në në fshatin Rrjoll në Velipojë që lidh lagunën e Vilunit me Rjollin, menjëherë kanë shkuar në ndihmë të tyre.

Shtetasit B.T. 58 vjeç, dhe Gj.Z. 56 vjeç, banues në Shkodër, kishin shkuar me varkë për të peshkuar dhe kishin hipur në një urë druri të prishur . Për shkak të baticës varka është larguar nga vendi dhe peshkatarët kanë mbetur të izoluar në urën e drurit.

Falë ndërhyrjes së forcave të policisë Shkodër, dhe veçanërisht skuadrës speciale të emergjencave në repartin e FNSH u është dhënë ndihma e duhur ku rreth orës 23:50 janë nxjerr në breg pa probleme të cilët kanë falënderuar Policinë për ardhjen në ndihmë në kohë.

 

Artikulli paraprakLEZHË, DAJË E NIP HUMBIN JETËN DUKE PASTRUAR PUSIN
Artikulli tjetërVATRA MASIVE ZJARRI NË VERI TË ITALISË