Vllaznia-Veleçiku, dikur një ëndërr për koplikasit në ditët e sotme është kthyer në një aromë derbi.

Këtë e pranon edhe vetë trajneri i Vllaznisë Hasan Lika i cili thotë së në këtë përballje skuadra e tij duhet të marrë fitoren edhe ndaj atyre që kanë ëndërr të luajnë me Vllazninë.

Trajneri i Vllaznisë thotë se sulmuesi Zhunjor po tregohet vendimtar natyrisht i ndihmuar nga i gjithë ekipi me golat e shënuar ndërsa tregon se për skuadrën e tij nuk ka kundërshtar të lehtë duke mos nënvlerësuar asnjë ndeshje.

Vllaznia deri më tani kryeson me 12 pikë të plota me katër fitore në ndeshjet e luajtura ndërsa tre pikë kërkon edhe ndaj koplikasve të Veleçikut që në ditët e sotme është kthyer në derbin e veriut.