Një zjarr i cili ka përfshirë lagjen “Axhensi” të Gramshit, kërcënon banesat që ndodhen shumë pranë.
Zjarri ka rënë në një sipërfaqe pyjore të mbuluar me bar shkurre dhe pisha. Terreni është mjaft i thyer dhe ndërhyrja e zjarrfikësve po bëhet me mjete rrethanore me pompat e shpinës.
Sipas shefit të Repartit Zjarrfikës, Ilir Llapushi, pas më shumë se tre orë përpjekjesh, zjarri është vënë nën kontroll rreth orës 16:45.
Po punohet për të fikur edhe disa vatra që janë ende aktive. Policia po punon për identifikimin e shkaqeve të këtij zjarri.
