Banorët e rreth 150 shtëpive në rrugën “Dukagjini” të fshatit Vinotekë, në njësinë administrative Rrethina ankohen për rrugën e amortizuar. Kjo rrugë vitin e fundit ka shfaqur probleme më të mëdha, ndaj banorët tregojnë se janë detyruar ta mirëmbajnë vetë, për të lehtësuar lëvizjen gjatë verës dhe dimrit.
Banorët kërkojnë nga bashkia që të marrë parasysh kërkesën e tyre për rikonstruksion.
