Ky është Fatos Ymerllari, prej 20 vitesh merret me thurjen e çadrave të plazhit. Ai së bashku me familjen e tij vendoset prej shumë vitesh gjatë sezonit veror në rrugën e Velipojës dhe punon çadra me porosi. Punimi i thuprës është një traditë e hershme e komunitetit rom ku Fatosi e ka të trashëguar nga të parët e tij.
Afrimi i sezonit turistik rrit edhe kërkesat për punimin e çadrave, kryesisht kërkesat i vijnë për në plazhin e Velipojës dhe atë të Rrjollit. Fatosi tregon se realizon deri në 10 cadra në ditë megjithëse punimi i tyre ka vështirësitë e veta.
Gjithnjë e më shumë operatorët turistik po i zëvëndësojnë çadrat prej cope me ato prej thupre. Për Fatosin problem mbetet garantimi tregut pasi nëse do të kishte kërkesa do të prodhonte edhe më shumë.
