29-vjeçarja bie nga kati i pestë i pallatit, rëndë në spital
Një 29-vjeçare ka rënë nga kati i pestë i pallatit mesditën e sotme në Tiranë. Ngjarja ka ndodhur në rrugën “Agush Gjergjevica” në kryeqytet në apartamentin ku e reja banon. Policia njofton se nga hetimet e para, rezulton se e reja I.XH, ka pasur probleme mendore. Nuk dihet nëse 29- vjeçarja ka rënë aksidentalisht, apo bëhet fjalë për një tentativë vetëvrasje. Asaj iu dha menjëherë ndihma e parë mjekësore, ndërsa mësohet se ndodhet në spital në gjendje të rëndë shëndetësore. Materialet do ti kalojnë Prokurorisë së Rrethit Gjyqësor Tiranë, për veprime të mëtejshme.
