
Lufta në Ukrainë ka arritur në ditën e saj të 60-të. Tashmë jemi në muajin e tretë të konfliktit përderisa sulmi rus nisi mëngjesin e 24 shkurtit pas urdhrit të Vladimir Putin. Ditën e djeshme, pak pas fillimit të festimeve të Pashkëve Ortodokse, Odessa u godit nga një sulm me raketa që la të paktën tetë viktima.
Presidenti ukrainas Volodymyr Zelensky mbajti një konferencë shtypi në metronë e Kievit të mbushur me njerëz, në të cilën ai përcaktoi dy “vija të kuqe” që do ta bënin atë të konsideronte bisedimet e paqes me Moskën “të dështuara”: Rusia nuk duhet të vrasë ushtarët ukrainas ende të barrikaduar në Mariupol, dhe nuk duhet të mbajë “pseudo-referendum” në zonat e pushtuara.
Ndërkohë që ditën e sotme në Kiev pritet të mbërrijnë ministri i Mbrojtjes dhe Sekretari amerikan i Shtetit, Anthony Blinken. Është vizita e nivelit më të lartë nga Shtetet e Bashkuara që nga fillimi i luftës më 24 shkurt.
Organizata për Bashkëpunim dhe Siguri Evropiane (OSBE) denoncoi arrestimin e disa prej vëzhguesve të saj ushtarakë në rajonet Donetsk dhe Lugansk.
Vijon…