Pranë lumit Buna, në njësinë administrative Dajç, trupa e aktorëve të teatrit “Migjeni” interpretuan veprën “A ta laç” të një prej personaliteteve më të njohur të letërsisë shqipe Ernest Koliqi. “A ta laç” hapi siparin e një cikli tjetër shfaqjes nën titullin “Koliqiana”.
Aktorët në përfundim të shfaqjes tregojnë emocionet e interpretimit në një zonë të hapur por edhe për iniciativën që kanë marrë për interpretimin e veprave të Ernest Koliqit.
Shfaqja u vu në skenë nga aktoret profesioniste të teatrit “Migjeni” Krist Lleshi dhe Linda Jarani, ndërsa interpretuan Lusi Bregu, Arbër Bala, Anrida Lopçi, Fritz Selmani dhe Silvia Kacarosi.
