Dëmi ekonomik që kanë shkaktuar farmacitë në qarkun e Shkodrës brenda këtij viti shkon në shifrat 2 milion lekë të reja, çka tregon se abuzimet vazhdojnë të jenë prezente. Drejtori i fondit të sigurimeve shëndetësore në Shkodër Arvid Osja bën të ditura shifrat.

Rimbursimi nga fondi I sigurimeve shëndetësore në Shkodër është brenda normave teksa ka shkuar në shifrat 96%.Duke folur edhe për fondin e spitalit rajonal të Shkodrës që nga shtatori i këtij viti është rritur me 34 milion lekë të reja kryesisht për shërbime operative.Drejtori i FKSDSH Osja pranon problematikat por u shpreh se ministria e shëndetësisë po mundohet që të përmirësojë situatën duke rritur gradualisht fondet.