Një minator mbeti i plagosur pas një aksidenti në punë në minierën e bakrit në Spaç të Mirditës. Ngjarja ndodhi gjatë natës në njërën prej galerive të kompanisë “Tete Albania”, ndërsa i plagosur mbeti shtetasi Edmond Gjikolaj, 48 vjeç, banues në Rrëshen.Sipas të dhënave, ai ka qenë duke punuar nëntokë bashkë me persona të tjerë në nxjerrjen e bakrit, kur një masiv shkëmbor është shkëputur dhe ka goditur minatorin.Pwr pasojw 48-vjeçari ka pësuar dëmtime trupore dhe është dërguar me urgjencë në Spitalin e Traumës në Tiranë, nga ku mësohet se ndodhet nën kujdesin e bluzave të bardha, jashtë rrezikut për jetën.Ndërkohë, në lidhje me ngjarjen kanë nisur menjëherë hetimet. Policia, nën drejtimin e Prokurorisë dhe Inspektoriati Shtetëror i Punës, po verifikojne kushtet e sigurisë brenda galerisë ku ndodhi aksidenti.Miniera e bakrit në Spaç të Mirditës, e cila i është dhënë me koncesion kompanisë turke “Tete Albania”, është denoncuar edhe më herët nga minatorët, të cilët protestuan për më shumë se dy muaj gjatë vitit të kaluar për kushtet e vështira në punë dhe pagat e ulëta.as ngjarjes ka reaguar edhe Konfederata e Sindikatave të Shqipërisë. Në një deklaratë publike, KSSH shpreh solidaritet me minatorin e plagosur dhe familjen e tij, ndërsa thekson se aksidenti nuk është një rast i izoluar, por sipas saj pasojë e problemeve të vazhdueshme me sigurinë në punë në këtë minierë.Sipas KSSH, kompania që operon në minierë, “Tete Albania” ka shkelur rregullat e sigurisë dhe mbrojtjes së shëndetit në punë. Sindikata kërkon hetim të plotë dhe transparent për aksidentin, si dhe përgjegjësi nga institucionet dhe kompania përkatëse.
