Vijon të degradohet segmenti rrugorë që lidh fshatin Bërdicë me Darrgjatin dhe Trushin
Ko rrugë me gjatësi rreth 3 km mbart një sërë problematikash si amortizimi i asfaltit, mungesa e sinjalistikës dhe mos pastrimi I shkurreve duke e kthyer këtë segment të rrezikshëm për aksidente. Banorët e fshatit Bërdicë thonë se ky segment është lënë në harresë prej shumë kohësh.
Rruga e vjeter e Berdicës , e cila lidh fshatin me zonat për rreth, ka pësuar dëmtime të mëdha në asfaltin e saj, me gropa dhe të çara që bëjnë të vështirë kalimin e automjeteve. Kjo situatë jo vetëm që ka ndikuar në transportin e përditshëm, por gjithashtu po ngadalëson zhvillimin ekonomik të zones.
