Banorët e fshatit Kullaj në njësinë administrative Postribë kanë protestuar në lidhje më rrugën e cila po rehabilitohet në këtë fshat. Banorët janë kundër projektit i cili po zbatohet, ndërsa kërkojnë që rruga të zgjerohet në 4 m nga 3.50 m që parashikon investimi dhe të realizohet me të gjitha standartet.
Banorët u shprehen se nëse nuk merren parasysh kërkesat e tyre do të përshkallzojnë protestën deri në bllokimin e rrugës.
Ky investim po realizohet nga Fondi Shqiptarë i Zhvillimit në kuadër të investimeve që po realizohen në shumë njësi administrative të bashkisë Shkodër gjatë kësaj periudhe.
