Vllaznia në basketboll për meshkuj është mposhtur në ndeshjen e rradhës të vlefshme për Ligën Unike. Ajo ka pësuar një humbje brenda në shtëpi ndaj ekipit Golden Eagle Ylli të Kosovës në shifrat 67-83. Miqtë nga Kosova kanë qenë më të saktë në secilën prej periodave të ndeshjes, teksa të parën e fituan 22-26, më pas të dytën 17-20, për të vazhduar me tretën e cila u mbyll 12-20, ndërsa e fundit 16-17, duke fituar të gjithë ndeshjen në shifrat 67-83. Pas kësaj humbje, trajneri i Vllaznisë në basketboll për meshkuj,
Eni Llazani tha se ekipi kosovar ishte mjaft i fortë për skuadrën kuqeblu, e cila vinte me disa mungesa dhe pas tre ndeshjeve në pesë ditë.
Nga ana tjetër, kapiteni i Golden Eagle Ylli, Gëzim Morina tha se fitorja me Vllazninë ishte shumë e rëndësishme për objektivat e ekipit të tij për të marrë trofeun e dytë rradhazi.
Kjo ndeshje ishte e vlefshme për javën e katërt të këtij kompeticioni dhe në përfundim të saj, Vllaznia mbetet vetëm me një fitore dhe tre humbje.
