Bekim Balaj do të jetë pjesë e Vllaznisë deri në 2027. Drejtuesit dhe kapiteni kanë rënë dakord që kontratën ekzistuese ta zgjasin edhe për dy sezonet e ardhshme. Vetë golashënuesi më i mirë i Superiores, Balaj ka folur së fundmi në një intervistë për “Star Plus” për ecurinë pozitive të këtyre javëve tek kuqeblutë. Në fjalët e tij, ai theksoi se nga skuadra pritet akoma më tepër.
Gjithashtu, sulmuesi më i mirë i Superiores u ndal edhe tek dy ndeshjet e rradhës kundër Elbasanit.
Bekim Balaj vazhdon të jetë pika e referimit për kuqeblutë, teksa fituesi i “Topit të Artë” dhe i “Këpucës së Artë” për vitin 2024 po tregon se është në rrugë të mbarë për të qenë dominues edhe në sezonin aktual.
