Kryetari i Bashkisë Shkodër, Benet Beci, ka inspektuar nga afër nisjen e punimeve për rikonstruksionin e plotë të Markatës së Rusit, një investim që synon të transformojë kushtet e tregtimit të mishit dhe peshkut në qytet.
Gjatë inspektimit, Beci u shpreh se ky investim është pjesë e angazhimit të Bashkisë Shkodër për të modernizuar tregjet publike dhe për të vendosur standarde evropiane në ofrimin e shërbimeve.
Projekti parashikon ndërtimin e një tregu modern, me standarde bashkëkohore higjieno-sanitare, duke i dhënë fund tregtimit në ambiente të papërshtatshme dhe duke garantuar kushte më të mira pune për tregtarët, si edhe më shumë siguri për konsumatorët.
Rikonstruksioni i Markatës së Rusit përmbyll një sërë investimesh të Bashkisë Shkodër në zonën e Rusit. Pas rikonstruksionit të tregut, ky investim shënon një tjetër hap të rëndësishëm në përmirësimin e kushteve të punës për tregtarët, rritjen e standardeve të shërbimit dhe krijimin e një mjedisi më të rregullt e funksional në një nga zonat kryesore tregtare të qytetit.
