Ish kryeministri, Sali Berisha e ka konsideruar protestën e tij, në revolucion të pamposhtur. Ai është shprehur se do e ndalë Ramën që të largojë shqiptaret.

“Keni ardhur në protestën e revolucionit demokratik paqësor, në një protestë me të cilën, ne jemi të vendosur t’i shkurtojmë orët dhe ditët, qeverisë antishqiptare me në krye Ramën.

Faktohet para shqiptarëve, Shqipërisë dhe Evropës si pushtues i këtij vendi. Rama është armik i qenies suaj, është plaçkitësi më i madh në historinë e vendit. Vite më parë, flakte si leckë flamurin amerikan, pak vite më parë rekrutonte sikur ishte siamez me Lukashenkon. Një vit më parë zhduku nga faqja e dheut, flamurin e NATO-s. Shqipëria e etërve të tij barbar, është modeli i tij. Në 8 vite shqiptarët u pakësuan me 1 mln banorë.

Me këto ritme ai synon që pas 6 vitesh të ketë ndërtesa bosh, çerdhe trafikantësh, por jo shqiptarë të vërtetë. Jemi këtu për t’i thënë se ky revolucion nuk mposhtet nga asgjë.”- tha Berisha.

Artikulli paraprakMETA NË PROTESTË: JEMI NË REGJIMIN MË TË URRYER NË KONTINENT DHE TË TMERRUAR NGA VOTA E LIRË
Artikulli tjetërRRITEN RASTET E TË MITURVE QË KRYEJNË KRIME NË SHKODËR