Ndërkohë që vijon numërimi i votave në të gjithë Shqipërinë, kreu i PD Sali Berisha ka dalë në një deklaratë për mediat.
Sali Berisha: Për PD procesi elektoral është themelor i një shoqërie të lirë dhe i njerëzve të lirë. Në këtë kontekst jam këtu së pari të shpreh mirënjohje e falënderim për komisionerët, vëzhgues, numërues që e gdhinë gjatë natës duke numëruar votat e qytetarëve. U bëj thirrje strukturave të PD, që të bëjnë gjithçka që të numërohet çdo votë me përkushtimin më të madh. Çdo votë kundër regjimit meriton nderimin më të madh dhe vlerësimin më të madh.
