SIPAS RAPORTIMEVE TË BBC, BLAIR DO TË AKUZOJË CAMERON PËR SHITJE TË INTERESAVE TË KOMBIT. Ish-kryeministri Tony Blair do të hyjë në fushatën elektorale që ka nisur në Mbretërinë e Bashkuar me një sulm ndaj planit të kryeministrit aktual David Cameron,

për të mbajtur një referendum mbi qëndrimin e Britanisë në BE. Sipas raportimeve të BBC, Blair do të akuzojë Cameron për shitje të interesave të kombit për avantazhe politike, për shkak të presioneve që vijnbë nga partia nacionaliste UKIP, Konservatorët anti-evropianë dhe media.  Pritet që Blair të thotë se, kreu aktual i laburistëve Ed Miliband ka treguar një “lidership real” duke iu bërë ballë presioneve për një referendum. Blair fitoi zgjedhjet e përgjithshme si lider i laburistëve në vitet 1997, 2001 dhe 2005 dhe u tërhoq nga posti i kryeministrit në vitin 2007. Redaktori i sektorit të politikës pranë BBC, James Landale deklaroi se Blair ka qenëduar për shumë kohë larg politikës që atëherë, por laburistët shpresojnë se ai ka ende influencë për të tërhequr votuesit.  Sipas Landale, Blair do të thotë në fjalimin e tij se dalja e mundshme nga BE do të lërë një boshllëk që do të rëndojë mbi ekonominë britanike.  “Dhe a e dini se cila është gjëja më e çuditshme e qëndrimit të Cameron? Kryeministri në të vërtetë nuk beson se ne duhet ta lëmë Evropën. As këtë Evropë që është sot”, citon BBC pjesë të fjalimit të Blair.  “Ky është një konçesion që i bëhet një partie, një manovër për të depërtuar tek votat e UKIP, një thithje e ndjenjës së tërbuar anti-evropiane në media”, vijon citimi i Blair.  Sipas ish-kryeministrit, kjo është një çështje shumë e rëndësishme për të ardhmen e vendit që të trajtohet në këtë mënyrë.