Boksieri i njohur Nelson Hysa ishte personazhi në fokus të edicionit më të fundit të aktivitetit “Ta tham n’Shkodër”, i organizuar nga Këshilli Vendor Rinor i Shkodrës dhe Qendra Rinore “Atelie”.
Gjatë bashkëbisedimit me të rinjtë, Hysa theksoi se iniciativa të tilla duhet të shërbejnë si takime motivuese dhe orientuese për brezin e ri. Ai ndau përvojat e veta në sportin e boksit, sfidat dhe sukseset, duke nxitur të rinjtë të besojnë në aftësitë e tyre dhe të punojnë me disiplinë.
Ndërkohë, Hysa përcolli edhe një mesazh të fortë inkurajues për të rinjtë.
Aktiviteti u mbyll mes duartrokitjeve të të pranishmëve, ndërsa nisma të tilla do të vijojnë me synimin për të ofruar modele frymëzuese dhe mbështetje për rininë shkodranë.
