Fshati Kosmaç në njësinë administrative Bushat është një ndër zonat më të njohura për prodhimet bujqësore. Idriz Gyrbeti prej shumë vitesh merret me kultivimin e fasules. Kjo periudhë përkon edhe me mbjelljen e kësaj kulture. Megjithëse tregu nuk është i sigurt fermeri tregon se çdo vit produktin e ka shitur.
Idrizi kërkon që institucionet shtetërore t’i vijnë në ndihmë fermerëve pasi nevojat që ato kanë janë të shumta.
Fshati Kosmaç është i njohur edhe për serat dhe për prodhimin e perimeve .Ky fshat numëron rreth 80 ha sera duke bërë një nga zonat më të rëndësishme të prodhimeve bujqësore kryesisht në veri të vendit.
