Përpara ndeshjes Vllaznia-Partizani u zhvillua një ceremoni për 80-vjetorin e ish basketbollistit Renato Radoja, i cilësuar si medalioni i basketbollit shqiptar.
Kjo ceremoni është e vonuar sepse 80-vjetori i Radojës ka kaluar dhe të gjithë janë kujtuar vonë. Megjithatë federata shqiptare e basketbollit i dha një mirënjohje ndërsa i pranishëm ishte edhe i mirënjohuri Agim Fagu që i dhuroi bluzën e Partizanit ndërsa një bluzë e mori edhe nga Vllaznia.
Të gjithë të pranishmit në pallatin e sportit “Qazim Dervishi” për disa minuta qëndruan në këmbë duke duartrokitur Renato Radojën për gjithë kontributin e tij të madh si ish basketbollist dhe ish trajner. Vetë Radoja falenderoi për këtë ceremoni për 80-vjetorin e tij të lindjes.
Renato Radoja është fitues i disa trofeve qoftë si basketbollist por edhe si trajner ndërsa mban edhe shumë vlerësime të ndryshme gjatë karrierës së tij sportive.