Ministrja e Shëndetësisë dhe Mbrojtjes Sociale, Ogerta Manastirliu ka publikuar shifrat e vaksinimeve të kryera deri më tani në vend. Ditën e sotme, janë kryer në të gjithë territorin, 8.735 vaksinime. Ndërsa në total, që prej fillimit të fushatës “Shqipëria Buzëqesh”, janë regjistruar 1.256.940 persona të infektuar. Kujtojmë se muaji gusht, është cilësuar si muaj i hapur, kush cilido që është mbi 18 vjeç, mund të paraqitet me mjet identifikimi dhe të kryejë vaksinat.Në Shqipëria aktualisht po përdoren 4 lloje vaksinash, AstraZeneca, Pfizer, Sputnik V dhe Sinovac. Ekspertët thonë se vaksinat mbrojnë nga virusi dhe variantet apo mutacionet që mund të dalin prej tyre, andaj ato kanë apeluar qytetarët që të vaksinohen, për të mbrojtur shëndetin e tyre, por edhe të të afërmve.Ndërkohë, në bashkitë Shkodër dhe Vau Dejës janë administruar më shumë se 55 mijë doza vaksinë, kryesisht Sinovac. Tashmë procesi I vaksinimit është shpërndarë në më shumë se 20 qendra shëndetësore në këto dy bashki. Procesi I vaksinimit në Shkodër ka nisur që prej muajit shkurt ku kategoritë e para të vaksinuara ishin stafet mjekësore. Përveç vaksinimit, një situatë serioze paraqitet nga rritja e numrit të rasteve të reja të infektuara me COVID-19, kjo për shkak edhe të mbërritjes së turistëve nga vendet fqinje, të cilët mund të jenë edhe një potencial për përhapjen më të shpejtë të infeksionit