Zelanda e Re do t’i japë fund bllokimit kombëtar kundër koronavirusit të ri këtë javë, njoftoi sot kryeministrja Jacinda Ardern, duke specifikuar se ai do të mbetet në fuqi në Okland, epiqendra e epidemisë COVID-19 në vend.
“Natën nga e marta në të mërkurë, rreth tre milionë banorë të Zelandës së Re do të mund të dalin sërish dhe shkollat do të rihapen të enjten, për herë të parë në tri javë”, shpjegoi Ardern.
“Ne kemi qenë kaq të suksesshëm në kontrollin e kësaj epidemie, kontrolli ka qenë efektiv, por nuk ka përfunduar”, shtoi ajo, duke theksuar se vendi nuk mund të “përballojë gabimin më të vogël”.
Ardern përshëndeti një numër në rënie të rasteve, ndërsa kujtoi se varianti Delta është një ndryshues loje, duke parandaluar heqjen e kufizimeve në Okland.
Në Okland, qyteti i madh në Ishullin Verior, ku varianti shumë më ngjitës Delta u shfaq për herë të parë në mes të gushtit, bllokimi do të mbetet në fuqi për të paktën një javë shtesë.
