Danimarka do të dhurojë 1 milionë vaksina AstraZeneca për 4 vende të Ballkanit Perëndimor, Shqipërinë, Bosnjen, Kosovën dhe Maqedoninë e Veriut.
Lajmin e ka bërë me dije ministri i Jashtëm i Danimarkës, Jeppe Kofod përmes rrjetit të tij social Twitter.
“Fqinjët tanë në Ballkan po përjetojnë një mungesë të madhe vaksinash, gjë që është e rëndë për komunitetet dhe rrit rrezikun e shpërthimeve të reja që mund të përhapen. Të lumtur që mund të ndërhyjmë dhe të ndihmojmë partnerët tanë të ngushtë me vaksinat.”, shkruan ai në Twitter.
