Qarku i Lezhës u përball edhe këtë verë me një situatë të vështirë nga zjarret, të cilat prekën kryesisht territoret e Lezhës dhe Mirditës.Përveç sipërfaqeve të mëdha pyjore dhe pemëve frutore, flakët dogjën 12 banesa, ndërsa në disa raste u shkrumbuan edhe kasolle me bageti brenda.Sipas të dhënave zyrtare, në të gjithë territorin e Qarkut të Lezhës zjarret kanë përshkuar rreth 2500 hektarë pyje, pjesa më e madhe e të cilave në territorin e Bashkisë Mirditë.

Deri më tani nuk ka një faturë të plotë financiare për dëmet e shkaktuara nga zjarret.Vlerësimi i dëmeve do të përcaktojë edhe mënyrën e ndërhyrjes për familjet e prekura.

Pjesa më e madhe e vatrave të zjarrit u shënua gjatë muajve gusht dhe shtator, ku një pjesë e tyre dyshohet se kanë qenë të qëllimshme, ndërsa të tjera janë shkaktuar nga pakujdesia. Në kuadër të hetimeve për zjarrvëniet, janë identifikuar dhe ndaluar tre persona.

SHKARKO TANI
Artikulli paraprakVAU DEJËS, KULTIVONTE BIMË NARKOTIKE, ARRESTOHET 50-VJEÇARI
Artikulli tjetërMANIFAKTURA NË KRIZË, MBYLLEN 4 FABRIKA NË SHKODËR