Pas pak Kuvendi mban seancën plenare dhe protestuesit nisën marshimin nga sheshi “Skënderbej” për të shkuar drejt parlamentit. Ky i fundit ishte rrethuar nga një gardh metalik në një perimetër që shkon nga “Rruga e Elbasanit” te Ministria e Brendshme, një perimetër më i gjerë sesa herët e tjera.
“Deputetë frikacakë”, thërrasin protestuesit.
Ata vijojnë edhe me thirrjet e njohura të protestës si “Ju erdhi fundi”, “Parlament i krimit” e “Poshtë qeveria.” “Nuk na përfaqësoni”.
Protestuesit kanë hequr gardhin metalik para parlamentit për të përçarë kordonin e sigurisë. Ky moment shënoi edhe përplasjen e tyre të parë me policinë. Më pas kanë vijuar të hedhin vezë, domate e bidonë drejt efektivëve, edhe pse janë bërë thirrje për të mos sulmuar policinë.
Pranë ndodhen edhe autobotet në ujë, në gatishmëri për neutralizimin e situatës.
