Torturat ishin nga më të ndryshmet në ditët e dhjetorit të 1990-ës. Paulin Noshi, Kujtim Draçini e Paulin Gjonpali janë disa nga dëshmitarët që morën pjesë në 13 dhjetorin e 1990-ës kur Shkodra rrëzoi bustin e diktatorit komunist Enver Hoxha.

Sot pas 25 vitesh janë totalisht të zhgënjyer sepse kjo nuk është Shqipëria që deshën. Rrezikuan edhe jetën si shkak i plumbave të policisë së asaj kohe. Ëndrrat dhe dëshira e shumë të rinjve të atyre ditëve të vështira ende nuk janë realizuar, shumë prej tyre nuk kanë marrë atë që i takon e shumë të tjerë janë fshirë duke bërë që zhgënjimi të jetë i madh.