Një zjarr ka përfshirë në orët e para të mëngjesit banesat sociale të komunitetit rom në Shkodër.
Në vendngjarje kanë mbërritur menjëherë forcat zjarrfikëse dhe policia, të cilat kanë bërë të mundur izolimin e flakëve dhe shmangien e një tragjedie të mundshme.
Flakët janë përhapur menjëherë thonë banorët ndërsa dyshojnë se janë shkaktuar nga një shëkndijë elektrike.
Pas vendosjes nën kontroll të flakëve rezulton të jenë shkrumbuar totalisht 3 banesa ndërsa nga ndërhyrja në kohë e forcave zjarrëfikse është bërë e mundur shpëtimi I pjesës tjetër.
Ky kamp social, me një vlerë totale prej 71 milion lekësh, është financuar nga qeveria shqiptare, ndërsa 25% e fondit është mbuluar nga Bashkia Shkodër. Aktualisht, në këto kontejnerë jetojnë mbi 142 banorë të komunitetit rom, të cilët më parë banonin në kushte ekstreme varfërie dhe pasigurie.
