Një kabull elektrik është përfshirë nga flakët në afërsi të postës në qëndër të qytetit të Shkodrës, duke rrezikuar banesat dhe objektet përreth.
Ka qenë e menjëhershme ndërhyrja e zjarrfikëse që kanë vendosur nën kontroll situatën duke shuar zjarrin. Për më shumë se 2 orë e gjithë qëndra e qytetit nga sheshi “ Nënë Tereza” në drejtim të muzeut të Dëshmisë dhe Kujtesës ka qenë pa energji elektrike.
Policia po vijon hetimet në lidhje me këtë rast ndërsa paraprakisht dyshohet se shkak i zjarrit të jetë ngarkesa në rrjet që ka shkaktuar fillimisht shkëndijën elektrike dhe më pas zjarrin.
Fundi I vitit të kaluar por dhe ky fillim viti, ka pasur raste në disa kabina eletrike të qytetit të Shkodrës, ku si pasojë e ngarkesës por dhe rrjetit të amortizuar elektrik, energjia elektrike është ndërprerë për orë të tëra, ndërsa disa nga këto kabina eletrike janë përfshirë nga flakët.
