Në kuadër të Ditës së të Moshuarve, nxënës të shkollave të qytetit të Shkodrës vizituan Shtëpinë e të Moshuarve, duke sjellë një atmosferë të ngrohtë dhe respekti për banorët e saj. Të rinjtë biseduan me të moshuarit mbi rëndësinë e tyre në familje dhe shoqëri, duke theksuar vlerat që duhet të ruhen dhe nderohen. Në këtë takim, nxënësit gjithashtu ndanë një mesazh të veçantë për bashkëmoshatarët e tyre: të duan, respektojnë dhe vlerësojnë të moshuarit, pasi ata janë thesari i përvojës dhe kujtesës së qytetit.
Banorët e Shtëpisë së të Moshuarve mirëpritën vizitën me kënaqësi dhe falënderuan të rinjtë për kujdesin dhe respektin e treguar ndaj tyre.
