Me çadra në duar dhë rrobat dimërore qytetarët e Shkodrës dolën mëngjesin e sotëm. Edhe pse jemi në mes të verës, moti i përkeqësuar, reshjet e dendura të shiut dhe ulja e temperaturave detyruan qytetarët që të nxjerrin rrobat e dimrit. Megjithatë disa prej tyre shprehen se pas temperaturave tejet të larta të ditëve të mëparshme, reshjet e shiut ishin mëse të nevojshme.
Të pyetur nëse kanë frikë nga përmbytjet ashtu si në disa shtete të Europës të goditura nga “Liqeni i Ftohtë”, shkodranët thonë se në një vend si Shqipëria mundësitë janë të pakta për të patur atë përmbytje.
Deri më tani shiu i rënë nuk ka shkaktuar probleme në qytetin e Shkodrës. Ndërkohë sipas sinoptikantëve ulja e temperaturave dhe shiu do të vazhdojë ta karakterizojë të gjithë vendin tonë edhe në javën në vijim.
