Ekspozita trajton marrëdhëniet mes dy vendeve përmes arkivave digjitale dhe narrativave vizuale, duke u ndalur te stereotipet e krijuara ndër vite, veçanërisht gjatë periudhës së tranzicionit teknologjik dhe përhapjes së platformave online.

Kuratorja e ekspozitës, Sara Dolfi Agostini, theksoi se “Olbania” ndërton një realitet paralel të krijuar në hapësirën virtuale, ku imazhet dhe perceptimet për Shqipërinë janë formësuar nga përdoruesit e internetit në vitet 2009–2010.

Drejtori i Institutit Italian të Kulturës në Shqipëri, Alessandro Ruggera, e cilësoi ekspozitën si një formë komunikimi artistik mes dy kulturave dhe një mundësi për rishikimin e historisë së përbashkët.

Ndërkohë, drejtori i Muzeut Kombëtar të Fotografisë “Marubi”, Luçjan Bedeni, bëri të ditur se kjo është ekspozita e fundit për këtë vit kalendarik në këtë institucion, ndërsa shtoi se viti 2026 pritet të sjellë projekte dhe aktivitete të reja për publikun.

Ekspozita “Olbania” do të qëndrojë e hapur për vizitorët në Muzeun “Marubi” deri në fillim të vitit të ardhshëm, duke ofruar një reflektim mbi imazhin, kujtesën dhe identitetin në epokën digjitale.

SHKARKO TANI
Artikulli paraprakNDRYSHIME NË STRUKTURËN E BASHKISË LEZHË
Artikulli tjetërPASHK PËRVATHI HAP GALERINË E PËRHERSHME NË LEZHË