Elgit Doda do të publikojë së shpejti këngën e re të titulluar ‘Ajo iku’ në bashkëpunim me Alar Band.

Këtë lajm e ka bërë të ditur vetë banda me anë të një postimi në Instagram. Sipas fotos, duket se ata po xhirojnë klipin në një klub të Tiranës. Elgit Doda nuk ka publikuar këngë që me pjesëmarrjen e tij në Kënga Magjike me këngën ‘Ajër’. Nuk është hera e parë që producenti i njohur dhe Alar Band bashkëpunojnë, sepse ai krijoi këngën ‘Amla’ për ta dhe Klea Hutën në po të njëjtin festival. Duhet të presim nëse ky bashkëpunim i ri do të ketë sukses për karrierën e tyre.