Situata e përmbytjeve në zonën e nën Shkodrës që shënon ditën e 35-të të tyre në disa zona, ka ngjallur edhe reagimin e Famullitarit të Velipojës Dom Marjan Gega.
Në një postim në rrjetet sociale, Famullitari i Velipojës shkruan se kjo nuk është më fatkeqësi për shkaqe natyrale, por menaxheriale për shkak të neglizhencës qeveritare, por edhe papërgjegjësisë qytetare.
“Përmbytjet e ripërsëritura në zonën e Nënshkodrës nuk janë më një rastësi. Shkaqet nuk mund të quhen më për shkaqe natyrore, por menaxheriale: babëzi, neglizhencë, përçmim për mijëra familje e biznese.
E keqja nuk ndalet vetëm me kaq.Qindra tonelata mbetje plastike depozitohen në zonat e përmbytura dhe në bregdetin tonë. Kjo situatë është një lemëri menaxhimi qeveritar, por edhe papërgjegjshmëri qytetare”, shkruan famullitari i Velipojës.