Për shumë fermeë në njësinë administrative Dajç, sigurimi I gjësë së gjallë dhe largimi I tyre nga stallat që janë të rrethuara nga uji është një sfidë. Ardian Aliaj është fermeri në fshatin Shirq I cili prej tre javësh po përballet me vështirësitë e krijuara nga përmbytja e 90 dynym tokë bujqësore, prodhimet e së cilës tashmë kanë dalë jashtë përdorimi.
Problemi më I madh për fermerin mbetet sigurimi I bazës ushqimore për 12 krerë lopë, pasi 10 thasët e marrë disa ditë më parë nuk kanë qenë të mjaftueshme.
Ai kërkon ndihmë nga qeveria për përballimin e kësaj situate të përsëritur prej vitesh.
Niveli I ujit në tokat bujqësore të fermerit arrin në 70 cm, duke bërë që I gjithë prodhimi I mbjellë të dalë tashmë jashtë përdorimit duke shkaktuar dëme të mëdha ekonomike për të. E vetmja gjë që kërkon është mbështetja nga institucionet përgjegjëse me bazë ushqimore për bagëtitë, nga ku ka burimin kryesor të të ardhurave.
