Kreu i Partisë Demokratike, Lulzim Basha, ka shkarkuar Flamurin Nokën nga posti i nënkryetarit të Komisionit të Sigurisë, si dhe ka paralajmëruar përjashtimin e tij nga Grupi Parlamentar i PD.

Në një njoftim për media, selia blu njofotn se arsyeja e këtij vendimi “është shndërrimi i mbledhjes së Kryesisë së Grupit në laborator të prodhimit të gënjeshtrave për të baltosur Kryetarin dhe Partinë Demokratike, duke sajuar diskutime apo qëndrime, të pathëna dhe të paqena”.

NJOFTIM PER SHTYP I PARTISE DEMOKRATIKE

Sot Kryetari i PD Lulzim Basha i ka komunikuar shkarkimin nga funksioni i Nënkryetarit të Komisionit të Sigurisë Flamur Nokës, si dhe e ka paralajmëruar për përjashtimin e tij nga Grupi Parlamentar.

Arsyeja e këtij vendimi është shndërrimi i mbledhjes së Kryesisë së Grupit në laborator të prodhimit të gënjeshtrave për të baltosur Kryetarin dhe Partinë Demokratike, duke sajuar diskutime apo qëndrime, të pathëna dhe të paqena. Këto shpifje dhe sajesa të herëpashershme dhe të përsëritura, dëmtojnë interesin e Partisë Demokratike dhe të demokratëve, duke shfokusuar vëmendjen e betejës së opozitës ndaj të vetmit kundërshtar që është armiku i Shqipërisë dhe shqiptarëve Edi Rama.

Artikulli paraprakNGA SHKODRA NË KORÇË, NJOFTOHET SHKËPUTJA E ENERGJISË ELEKTRIKE NË TË GJITHË VENDIN! (ZONAT DHE ORARET)
Artikulli tjetërERË E FORTË DHE ULJE TEMPERATURASH, JA SI PARASHIKOHET MOTI PËR DITËN E SOTME