
Me të ardhur stina e verës, kjo është panorama që të ofrohet në pikën e përbashkët të kalimit kufitar të Muriqanit në Shkodër .
Automjete që presin në mes të nxehtit, për të dorëzuar dokumentacionet e tyre. Ndërkohë që kanë një orë që qëndrojnë në radhë, ata shprehen se kjo situatë është e padurueshme duke thënë se në asnjë vend të Europës nuk ndodh kështu.
Pavarësisht se janë shtuar kapacitetet, në fundjave fluksi vijon të ngelet I lartë. Vetëm dy ditët e fundit numri I hyrjeve arrin në shifrën 2323, ndërsa ai I daljeve shënon 4283 shtetas. Ndërsa për automjetet shifra arrin 787 ndërsa ajo e daljeve 1160 automjete.
Ndërkohë për policinë kufitare pritja për rreth gjysëm ore në doganë është normale. Dy ditë më parë ministri I brendshëm Fatmir Xhafaj dha urdhër që të eliminohen radhët në këtë pikë doganore, megjithatë mbetet për tu parë nëse ky vendim do të gjejë zbatim.


