Urgjenca e spitalit rajonal të Shkodrës po përballet me rritje të ndjeshme të numrit të vizitave ditore, krahasuar me të njëjten periudhë të vitit të kaluar. Mjekia , Ana Kasaj, tregon se paraqiten çdo ditë nga 180 – 200 qytetarë për të marrë ndihmë mjekësore, shumë prej tyre me simptoma që lidhen me të nxehtin përvëlues të ditëve të fundit.
Temperatuart e larta kanë ndikuar kryesishtë tek të moshuarit dhe fëmijët, por nuk përjashtohen edhe të rinjtë.
Mjekia apelon për kujdes maksimal , sidomos tek të moshuarit dhe fëmijët që janë kategoria më e ndjeshme e popullatës gjatë kësaj periudhe.
Ndërsa vala e të nxehtit pritet të vijojë edhe në ditët në vijim, autoritetet shëndetësore apelojnë për kujdes të shtuar për të mbrojtur shëndetin në këto ditë të nxehta vere.
