Një banesë është përfshirë nga flaket në fshatin Dedaj të Shkrelit në Malësinë e Madhe.
Sipas të dhënave zjarri ka ardhur si pasojë e një rrufeje. Flakët janë përhapur me shpejtësi në banesë dhe për pasojë ka humbur jetën shtetasi Arben Ivanaj, 50 vjeç, cili si pasojë e plagëve të marra nga zjarri ka ndërruar jetë ne spital.
Viktima po qëndronte në banesën e komshiut te tij. Grupi hetimore i policisë është nisur drejt vendit të ngjarjes ndërkohe që kanë mbërritur edhe forcat zjarrfikëse për shuarjen e flakëve të zjarrit.
NJOFTIMI I POLICISË
Malësi e Madhe/Informacion paraprak
Më datë 09.06.2022, në orën 13:15, në fshatin Dedaj, Malësi e Madhe, dyshohet se për shkak të goditjes së rrufesë është krijuar shkëndijë elektrike në banesën e shtetasit P. Ç. 63 vjeç.
Për pasojë është djegur pjesërisht banesa, si dhe ka pësuar djegie në trup, shtetasi A. I., 51 vjeç, banues në fshatin Dedaj, Malësi e Madhe, që po qëndronte në këtë banesë, i cili ka ndërruar jetë në Spitalin Rajonal Shkodër.
Grupi hetimor po punon për sqarimin e rrethanave të ngjarjes.
