epa06052300 (FILE) - The Google logo is pictured during the Google Ignite event in Taipei, Taiwan, 01 December 2015 (reissued 27 June 2017). The European Commission on 27 June 2017 said it would fine the Google with 2.4 billion euros for abusing its dominance as a search engine. EPA/RITCHIE B. TONGO

Franca e ka gjobitur kompaninë Google me 1.1 milion euro për gjoja “çorientim” të konsumatorëve me renditjen e tyre të hoteleve dhe akomodimeve të tjera turistike.

Sipas medieve të huaja, përcjell Telegrafi, një hetim i vitit 2019 nga mbikëqyrësi francez i konsumatorëve dhe nga ministria e financave zbuloi se gjiganti i teknologjisë ishte fajtor për “praktikë çorientuese tregtare”.

Google Ireland dhe Google France kanë rënë dakord të paguajnë gjobën si pjesë e një marrëveshjeje, pas aprovimit nga prokurori publik i Parisit.

Që të dyja organizatat kanë ndryshuar praktikat e tyre, thuhej në një deklaratë.

Drejtoria e Përgjithshme e Francës për Konkurrencën, Çështjet e Konsumatorit dhe Kontrollin e Mashtrimit kishte nisur një hetim ndaj kompanisë Google në shtator të vitit 2019 pas ankesave nga hotelet.