Qafa përbëhet nga muskuj, tendina, ligament dhe kocka.

Të gjitha këto bashkëpunojnë për të mbështetur kokën dhe lehtësuar lëvizjen e saj në drejtime të ndryshme.

Ka raste kur lëvizjet e tepërta të qafës apo lëndimi i saj mund të shkaktojë ngurtësim të saj dhe dhimbje.Në disa raste qafa kthehet në gjendjen e mëparshme falë trajtimeve në kushtet e shtëpisë.Ka raste të tjera kur ngurtësimi i qafës kërkon një trajtim më specifik mjekësor.

Shkaktarët më të zakonshëm të ngurtësimit të qafës janë:

Tërheqjet Muskulare Dhe Ndrydhjet

Këto ndodhin kur njeriu fle në një pozicion jo të mirë, qëndron ulur për një kohë të gjatë, fikson vështrimin në një objekt të caktuar për shumë kohë, për shembull puna me kompjuter, ose rrëzohet apo stresohet.Stresi mund të shkaktojë tension të lartë muskular.

Artriti

Sipas të dhënave të AgroWeb.org, artriti mund të prekë edhe zonën e qafës, dhimbjet e së cilës lehtësohen kur njeriu qëndron shtrirë.Dhimbja përkeqësohet kur njeriu qëndron në një pozicion të caktuar për shumë kohë.Simptomat më të përhapura janë: dhimbjet e kokës, mpirje të gjymtyrëve dhe vështirësi në ecje.

Trajtimet Kundër Ngurtësimit Të Qafës

Kur bëhet fjala për lëndime të lehta, ekspertët rekomandojnë vendosjen e kompresave me akull në zonën e qafës.Sipas informacioneve të AgroWeb.org, ky trajtim është efikas brenda 48 orëve të para të lëndimit.Kompresat duhen mbajtur për 20 minuta dhe më pas duhet të bëni 30 minuta pushim.Kompresat duhen mbështjellë me një napë ose peshqir.

Medikamentet

Barnat kundër dhimbjeve zbusin enjtjen e zonës së qafës dhe largojnë dhimbjen.Medikamente të tilla duhet të merren me këshillimin e mjekut.

Shtendosja

Ekspertët rekomandojnë lëvizjen e ngadaltë të qafës nga njëra anë në tjetrën.Përveç tyre, mund të lëvizni shpatullat në mënyrë rrethore.

Kujdes Me Jastëkun

Dysheku i fortë ose jastëku i gabuar mund të jenë shkaktarë të ngurtësimit të qafës.Njerëzit që flenë anash kanë nevojë për një jastëk më të fortë dhe më të madh. Njerëzit që flenë në shpinë duhet të kenë një jastëk më të sheshtë. Nëse problemi zgjat për disa ditë dhe shoqërohet me temperaturë, dhimbje koke apo acarim të nervave, atëherë shkoni tek mjeku.

AgroWeb.org

Artikulli paraprakRËNIA E KRERËVE NË BLEGTORI ÇON NË REKORD IMPORTET E MISHIT ME 2021
Artikulli tjetërISH-PRESIDENTI TRUMP: KJO LUFTË NUK DUHEJ TË NDODHTE KURRË, TË GJENDET MARRËVESHJA