Google është duke planifikuar t’i shkrijë sistemet e saj operative – Chrome OS dhe Android, në një platformë të vetme. Sipas Wall Street Journal thuhet se Google është duke punuar në një projekt të tillë për disa vite tashmë, dhe ky projekt madhor i gjigantit të teknologjisë pritet të përfundojë në vitin 2017.

Kompania më e re e Google, Alphabet planifikon të shndërrojë sistemin e saj operativ Chrome për kompjuterat personalë në Android sistemin e saj operativ mobil, thuhet sipas njerëzve të njohur me këtë çështje. Inxinierët e Google janë duke punuar për më shumë se dy vjet në kombinimin e dy sistemeve operative, dhe tashmë thuhet se është arritur progres i rëndësishëm në këtë drejtim. Google nuk do ta lëshojë këtë version para vitit 2017, por kah mesi i vitit të ardhshëm pritet që prezantohet vetëm një version beta i këtij projekti.