Kryetarja e Këshillit të Qarkut Shkoder Greta Bardeli së bashku me Lektoren e Fakultetit Juridik të Universitetit Europian te Tiranës, Erjona Canaj kanë promovuar librin e tyre të titulluar “E Drejta e Bashkimit Familjar në Bashkimin Europian dhe në Shqipëri”.
Në libër janë referuara me profesionalizëm juridik të gjitha legjislacionet apo rregullat të cilat i gëzojnë apo mbrojnë emigrantët.
Autoria Greta Bardeli u shpreh se ky punim specifik u vjen në ndihmë nga ana juridike edhe gjithë familjeve që duan të bëjnë bashkime familjare ne vendet e BE-së
Gjithashtu bashkëautoria e këtij libri Erjona Canaj solli në vëmendje se ky punim përcjell tre regjime të ndryshme juridike sa i takon bashkimeve familjare në BE.
Edhe kritika ka shprehur vlerësime për punën e bërë nga dy autoret e këtij libri.Kështu historiani i njohur dhe studiuesi Ferit Duka ndër të tjera theksoi se ky libër me vlerë ka sjellë mjaft aktualitet.
Studiuesja Alda Bardhyli u shpreh se ky punim ka vlera sidomos edhe në studimet juridike
Të pranishëm në këtë event ishin figura të njohura të artit , politikës , studiues,
shkrimtarë ,pedagog dhe kritik të fushës që dhanë vlerësime pozitive për punë e bërë nga Greta Bardeli dhe Erjona Canaj.