Kryetari i VMRO DPMNE-së Nikolla Gruevski i pyetur për përgjegjësi për deputetët e partisë së tij të cilët natën e 27 prillit kishin hapur dyert protestuesve që të futen në Kuvend tha se pret zbardhjen e plotë të rastit dhe më pas të komentojë.
Megjtihatë Gruevski tha se nuk ka ndërmend të largohet nga pozita e kryetarit të partisë. Sipas tij, çështjen e tërheqjes nga lidershipi i VMRO DPMNE-së, e proklamojnë LSDM-ja dhe mediat e afërta me këtë parti, duke shtruar çështjen e dorëheqjes së Zaevit, siç thotë, sepse i humbi zgjedhjet në vitin 2014 dhe 2016.
