Evropa kompletoi xhiron e saj të parë të kualifikueseve të Botërorit në mesin e muajit nëntor, lidhur me eliminatoret për Botërorin 2022, ku Holanda ishte e fundit nga kombëtaret e mëdha që preu biletën direkte për në Katar.

Sot, ishin 12 skuadrat e mbetura play-off të cilat mësuan rrugëtimin e tyre të mundshëm drejt Katar 2022 në ndeshjet të cilat do të luhen në muajin mars për 3 vendet e fundit.

Shorti ka qenë i pamëshirshëm sidomos me Italinë. Kjo e fundit ra në minigrupin ku është edhe Portugalia e Cristiano Ronaldos. Kampionia e Europës në fuqi, do të vihet fillimisht në shtëpi përballë Maqedonisë së Veriut dhe nëse shkon në finalen e vogël, do të luajë në transfertë ndaj fitueses së çiftit Portugali-Turqi.

Të gjitha ndeshjet janë me eliminim direkt pra luhen me një sfidë të vetme.

Artikulli paraprakRRITET NUMRI I VIKTIMAVE ME COVID-19 NË VEND, JA SA TË INFEKTUAR REGJISTROHEN NË 24 ORËT E FUNDIT
Artikulli tjetër“GJUHA SHQIPE ËSHTË AJO QË NA BASHKON”/ KOMUNITETI SHQIPTAR NË BRITANINË E MADHE FESTON 28 NËNTORIN