Itali – Kokainën në lavaman, rreth 12 000 euro pas tv, shqiptari mohon
Karabinierët në Avezzano bashkë me kolegët e tyre në L’Aquila arrestuan një shqiptar me iniciale X.A, lindur në vitin 1971. Shqiptari u kap me disa doza heroinë dhe një dozë kokainë, për të cilën ai ka deklaruar se e kishte për përdorim personal. Policia zhvilloi kontrolle në banesën e tij në Grieco, një zonë malore, duke gjetur një peshore ekzakte, një material të përshtatur për paketimin e dozave, një dozë tjetër kokaine, të gjitha të fshehura në banjo brenda kabinës së lavamanit. Në dhomën e ngrënies, policia ka gjetur një vend të posaçëm prapa tv në mur, një sasi prej 6 gram marijuanë dhe një shumë 11 900 euro, para të ardhura nga aktiviteti i drogës. Shqiptari ka pretenduar se paratë i ka fituara nga shitja e makinave, por ai nuk ka paraqitur asnjë dokument që mund të vërtetojë origjinën ligjore të parave. Shqiptari është lënë nën arrest shtëpiak në pritje të vendimit të gjykatës.