Një avokat në kryeqytet ka rënë në prangat e policisë për mashtrim pas denoncimit nga një shtetas. Avokati Gazmir Xhurxhi është denoncuar nga klienti i tij se i ka marrë paratë për të mbrojtur një çështje por më pas e ka mashtruar.

Burime zyrtare nga Policia bëjnë të ditur se arrestimi i avokatit është bërë pasi ai ka marrë shtetasit H.D, 59- vjeç një shumë prej 17 milionë lekësh të vjetra duke falsifikuar disa fatura dhe dokumente. Mbi avokatin rëndonë akuza e Mashtrim në shuma të mëdha”, “Fshehje të ardhurave” dhe “Falsifikim i dokumentave”. Njoftimi i policisë: Arrestohet një shtetas me profesion avokat për veprat penale “Mashtrim në shuma të mëdha”, “Fshehje të ardhurave” dhe “Falsifikim i dokumentave”. Seksioni për Hetimin e Krimit Ekonomik e Financiar në Drejtorinë Vendore të Policisë Tiranë, në bashkëpunim me Prokurorinë e Rrethit Gjyqësor Tiranë, kanë finalizuar me sukses operacionin e përbashkët me metoda speciale të hetimit të koduar “Avokati”.

Në kuadër të këtij operacioni u bë ndalimi i shtetasit: Gazmir Xhurxhi, 35 vjeç, banues Tiranë, avokat. Arrestimi i shtetasit të sipërpërmendur u bë për veprën penale “Mashtrim në shuma të mëdha”, “Fshehje të ardhurave” dhe “Falsifikim i dokumentave” parashikuar nga nenet 143/2, 180 dhe 186 i K.Penal”, pasi; shtetasi Gazmir Xhurxhi me profesion avokat, i ka marrë nëpërmjet mashtrimit 1.700.000 lekë, (1.7 miljonë lekë të reja), duke falsifikuar disa fatura dhe dokumenta shtetasit; H. D, 59 vjeç, banues në Klos. Materialet proçeduriale iu kaluan Prokurorisë pranë Gjykatës së Shkallës së Parë Tiranë, për veprime të mëtejshme.

Artikulli paraprakE SHTYP KAMIONI, VDES SHQIPTARI
Artikulli tjetërVLLAZNIA KTHEHET NGA ULQINI.GATI PER LIGEN SUPERIORE