I shpallur në kërkim për trafik droge, arrestohet 37 vjeçari

Një 37 vjeçar i shpallur në kërkim është kapur dhe ndaluar nga policia në Korçë. Emiljan Dine, banues në fshatin Dërsnik-Korçë ka rënë në prangat e policisë për veprën penale “Trafikim i Narkotikëve”. Ndalimi i tij u bë pasi Gjykata e Krimeve të Rënda në Tiranë vendosu masën e sigurisë “Arrest me Burg”. Materialet proceduriale i kaluan Prokurorisë në Gjykantë e Shkallës Parë për Krime të Rënda në Tiranë për veprime të mëtejshme. Njoftimi i plotë i policisë: Kapet një shtetas i shpallur në kërkim për veprën penale : “Trafikimi i narkotikëve”. Specialistët e Sektorit për Narkotikët dhe Trafiqet në Drejtorinë Vendore të Policisë Korçë, në bashkëpunim me shërbimet e Komisariatit të Policisë Korçë, falë veprimeve të mirëkoordinuara kanë bërë të mundur kapjen dhe ndalimin e shtetasit të shpallur në kërkim : Emiljan Dine , 37 vjeç, banues në fshatin Dërsnik-Korçë. Ndalimi i tij u bë pasi, me vendim nr 264 të datës 25.05.2017, Gjykata e Krimeve të Rënda në Tiranë ka vendosur për këtë shtetas masën e sigurisë “Arrest në burg” për veprën penale: “Trafikimi i narkotikëve” parashikuar nga neni 283/a/2 të Kodit Penal. Materialet i kaluan Prokurorisë pranë Gjykatës së Shkallës së Parë për Krime të Rënda në Tiranë, për veprime të mëtejshme.